Artieda resistió o pasau 19 de setiembre

Artieda ha tornau a resistir un nuevo intento d’expropiación d’as suyas tierras, estando eixemplo de dignidat, unidat y rasmia. O pasau miercols 19 de setiembre os representants d’a Confederación Hidrografica de l’Ebro s’amanon t’Artieda ta devantar unas actas de expropiación, consecuencia d’o prochecto de recreiximiento de Yesa. Ista obra preba d’acotolar  o meyo de vida d’as chents d’Artieda, un lugar d’o Perineu que leva más de 30 anyadas barallando y resistindo por esfender o suyo pasau, o suyo present y o suyo esdevenidero. O recreiximiento de Yesa ye un prochecto inchusto, absurdo, innecesario y desproporcionau que masacra de nuevo a una redolada que encara padece as consequencias de l’actual entibo. Antimás, l’obra afoga más de 22 km d’o Camin de Sant Chaime, mete en periglo a vida d’as personas por a inestabilidat d’as ripas y malfurria diners publicos en favor d’un falso intres cheneral. Manimenos, l’Administración no fa caso y contina con una politica capitalista que no tien en cuenta conceptos meyoambientals ni socials.

Dende primera hora d’o maitin, a chent d’Artieda chunto a companyers plegaus dende os Països Catalans, Euskal Herria y totz os cantons d’Aragón, s’achunton en a dentrada d’o lugar ta  chilar bien firme y refusar a dentrada en o lugar d’os representants d’a CHE. A pesar d’a presencia desmesurada d’efectivos d’a Guardia Civil, s’aconsiguió l’obchetivo. A chent d’Artieda siempre ha esfendiu as tierras d’as que vive y que forman parti d’ells, plegando a estar un eixemplo ta muitos de nusatros. O territorio ye un patrimonio cultural, social y meyoambiental que hemos de protecher, estando conscients d’a importancia d’a tierra en a conservación d’a identidat nacional.

Dende Purna, a  chovenalla revolucionaria y independentista, queremos amostrar a nuestra maxima solidaridat con o pueblo d’Artieda. Exichimos l’ature d’o Recreiximiento de Yesa y o reconoiximiento social y historico de totz os lugars expropiaus y condenaus a muerte por a construcción d’entibos en o nuestro territorio. A esfensa d’a tierra ye parti d’o camin t’a construcción d’una sociedat más chusta, igualitaria y respetuosa. Siempre seremos chunto a la chent d’Artieda, como lo estiemos o 19 de setiembre, ta rematar con ista sinrazón clamada Yesa.

Yesa No!

Artieda No Rebla!

Independencia y Socialismo!

_________________________

Artieda ha vuelto a resistir un nuevo intento de expropiación de sus tierras, dando ejemplo de dignidad, unidad y coraje. El pasado miércoles 19 de septiembre los representantes de la Confederación Hidrográfica del Ebro acudieron a Artieda para levantar unas actas de expropiación, consecuencia del proyecto de recrecimiento de Yesa. Esta obra pretende acabar con el medio de vida de las gentes de Artieda, un pueblo del Pirineo que lleva más de 30 años luchando y resistiendo por defender su pasado, su presente y su futuro. El recrecimiento de Yesa es un proyecto injusto, absurdo, innecesario y desproporcionado que masacra de nuevo a una zona que todavía padece las consecuencias del actual pantano. Además, la obra inunda más de 22 km del Camino de Santiago, pone en peligro la vida de de las personas por la inestabilidad de las laderas y derrocha dinero público en favor de un falso interés general. Y sin embargo, la Administración hace oídos sordos y continúa con una política capitalista que no tiene en cuenta conceptos medioambientales ni sociales.

Desde primera hora de la mañana, la gente de Artieda junto a compañeros llegados desde los Països Catalans, Euskal Herria y todos los rincones de Aragón, se agruparon en la entrada del pueblo para lanzar un grito unánime e impedir la entrada en el pueblo de los representantes de la CHE. A pesar de la presencia desmesurada de efectivos de la Guardia Civil, se consiguió el objetivo. La gente de Artieda siempre ha defendido las tierras de las que vive y que forman parte de ellos, convirtiéndose en un ejemplo para muchos de nosotros. El territorio es un patrimonio cultural, social y medioambiental que tenemos que proteger, siendo conscientes de la importancia de la tierra en la conservación de la identidad nacional.

Desde Purna, a  Chovenalla Revolucionaria y Independentista, queremos mostrar nuestra máxima solidaridad con el pueblo de Artieda. Exigimos la paralización del Recrecimiento de Yesa y el reconocimiento social e histórico de todos los pueblos expropiados y condenados a muerte por la construcción de pantanos en nuestro territorio. La defensa de la tierra es parte del camino para la construcción de una sociedad más justa, igualitaria y respetuosa. Siempre estaremos junto a la gente de Artieda, como lo estuvimos el 19 de septiembre, para poner fin a esta sinrazón llamada Yesa.

Yesa No!

Artieda No Rebla!

Independencia y Socialismo!

Read Full Post »

Lipdub Artieda 2012

En o pasau festival Esfendemos a Tierra de chulio dende o Bloque Independentista de Cuchas y o Concello d’Artieda se fació un Lipdub contra l’entibo de Yesa y o suyo recreiximiento, aqui lo tenetz:

Read Full Post »

[Zaragoza] Charrada + fiesta en refirme d’a luita minera

 

 

CHORNADA DE REFIRME CON A LUITA MINERA EN ARAGÓN

Charrada a las 19 HORAS con Fernando Pérez Valle de Marea Negra.

Fiesta brenda a las 21 horas.

VIERNES 6 DE CHULIO en o COP L´Esquinzau (Camin de Puent Virrey 16 – Vico de Sant Chusé)

¡¡¡Tot l’esquimen irá destinau t’a caixa de resistencia d’os miners enzarraus d’Arinyo!!!

Convocan: CJC, UJCE y Purna.

________________________________________________________________

 

JORNADA DE APOYO A LA LUCHA MINERA EN ARAGÓN

Charrada a las 19 HORAS con Fernando Pérez Valle de Marea Negra.

Fiesta con picoteo a las 21 horas.

VIERNES 6 DE JULIO en el COP L´Esquinzau (Camino de Puente Virrey 16 – Barrio de San José)

¡¡¡Todos los beneficios irán destinados a la caja de resistencia de los mineros encerrados de Ariño!!!

Convocan: CJC, UJCE y Purna.

Read Full Post »

20 anyos de movimiento chovenil aragonés: O millor homenache, continar a luita

Iste ye o texto que hue de maitins hemos presentau en a nuestra rueda de prensa d’a campanya en remeranza d’os 20 anyos de movimiento chovenil aragonés que feremos iste anyo con charradas, borinas exposicions y muitas cosas mas.

 Ta leyer-lo en castellán puncha asti o en a seccion de Textos. 

 

20 anyadas de movimiento chovenil aragonés: O millor homenache, continar a luita

«…aquí ye una d’as fainas d’a choventut: empentar, dirichir con l’eixemplo a producción d’o hombre de maitin. Y en ista producción, en ista dirección, ye comprendida la producción de si mesmos…»

Che Guevara

1992. En o contexto d’a cucha mundial remataba de desintegrar-se a referencia sovietica, o Muro heba dixau d’existir y Cuba entraba en o periodo especial. Se refincaba l’Estau d’o bienestar en o Reino d’Espanya y Fukuyama proclamaba a os cuatro vientos o fin d’a historia y o fin d’as ideolochías. O socialismo dixaba d’existir como alternativa politica y o neoliberalismo se proclamaba como a unica solución posible, que guaranciaba a igualdat social y a libertat individual. Os democratas tornaban a ganar as eleccions de l’imperio estadounidense con Bill Clinton debant, lo que pareixeba amostrar que no existiba alternativa social a o clamau capitalismo de rostro humano. A cucha mundial dentraba en crisi debant d’o aparentement consolidau neoliberalismo.

Estioron anyos, en l’Aragón d’o recient enguerau decenio d’os 90, de refincación d’un prochecto politico que se creyeba maduro, encara que dimpues o tiempo, os enfrontinamientos y procesos politicos, amostroron que encara quedaba muito por caminar. Os 90, consolidoron un prochecto politico nacional aragonés que naixió en a segunda mitat d’os anyos 80, Unión Aragonesista/Chunta Aragonesista, fundada por aquells hereus de l’Asamblea Autonomista Aragonesa, d’o Movimiento Nacionalista Aragonés y del PSA. Dezaga quedon atros prochectos que asumíban o discurso nacional en os suyos planteyamientos politicos como lo Movimiento Comunista d’Aragón, Nueva Izquierda de Aragón, el PTA, u a Choben Guardia Roya.

En 1992, con Chunta Aragonesista asentada en o panorama politico aragonés, naixió en o suyo seno Chobenalla Aragonesista, a organización chovenil d’o partiu. Fue l’anyo d’as manifestacions multitudinarias por l’autonomía en Zaragoza y en Madrid. A coyuntura social de reivindicación nacional aragonesa yera la propicia t’o surchimiento d’una organización chovenil que por aquell inte se planteyó como a organización aglutinadora d’a choventut aragonesista de cuchas.

Plegon as noticias arredol d’o terrorismo d’Estau d’os GAL, as reformas laborals d’o PSOE con o beneplacito d’os suyos sindicatos, a decadencia y a falta de perspectiva d’una cucha estatal que heba perdiu o norte. O prochecto aragonesista creixeba, se feba más fuerte, pos yera un prochecto amplo, plural, democratico, choven e ilusionant ta toda la población desencantada. Yera un prochecto an adquiriba importancia a choventut, as luitas por o territorio, por a insemisión, as luitas dende as asambleyas en os vicos y en os movimientos socials, en os lugars d’Aragón.

O prochecto politico chovenil maduraba mientres s’asentaba a dreita y se cernían menazas ecolochicas y socials desastrosas t’o pueblo aragonés, pos planeyaba o pantasma d’o PHN y d’o entibo de l’Ebro. En ista baralla, Chobenalla Aragonesista desempenyó un papel alazetal en a organización y movilización d’a choventut. Os suyos lemas lo dixaban esclatero: «Si bebes augua de Yesa, beberás sangre d’o Pirineu».

 Chobenalla fue creixendo, madurando, tant que surchioron atras trazas d’entender a practica politica. Surchió Luita, una escisión a la cucha de Chobenalla, u en l’ambito autonomo, do l’acción dreita cobra mayor importancia, Estricalla. Surchió tamién en a base d’os movimientos socials zaragozanos A Enrestida, y d’ista saliba Estrela Negra. Mientres, Chobenalla creyó a organización d’estudiants, UCA, como ferramienta d’intervención en a vida universitaria.

O 2004 estio un anyo d’inflexión t’o conchunto d’o movimiento chovenil aragonés. O partiu matriz de Chobenalla, Chunta Aragonesista, ixe prochecto choven y ilusionant de principios de os 90, heba dentrau en un proceso de decadencia politica, d’abandono d’os movimientos sociale, d’acomodamiento en os suyos nuevos sillons d’o Concello de Zaragoza, de deriva neoliberal en os suyos planteyamientos, que facion imposible a convivencia d’una organización, que en a suya VI Asambleya Nacional s’heba declarau revolucionaria y independentista, con un partiu reformista, cobardement federalista y socialdemocrata.

Asinas, o partiu no aceptó os resultaus d’a soberana VI asambleya nacional de Chobenalla y procedió mediante metodos vergonyosos y antidemocraticos a la expulsión en bloque d’a organización chovenil.

Prencipió alavez, no nomas a mayor campanya de solidaridat y refirme a Chobenalla por parti  d’organizacions y personas, soque se plantaron os alazets d’un prochecto politico netament socialista y independentista. A pesar de que 2004 y 2005 estioron anyos d’una actividat politica frenetica, Chobenalla ando cuatro anyadas a la deriva, en os que bi habio escisions y abandonos de militants que apostaban por dar o trango de construcción nacional difuera de Chunta Aragonesista. Atros, a gran parti, apostoron por continar dica l’Asambleya Nacional d’o partidu d’o 2008. En ixa asambleya Chobenalla Aragonesista estio reconoixida por o conchunto d’a militancia de base d’o partiu como a organización chovenil de Chunta Aragonesista. No obstante, Chobenalla como organización autonoma teneba que ratificar ixa virtual reintegración en o partido. Y asinas se facio en l’Asambleya de 2008 d’Andorra. Chobenalla decidió desvinclar-se definitivament de Chunta Aragonesista y apostar por atras vías de fer politica. A dignidat no yera compatible con l’oportunismo.

Chobenalla  apostó, chunto a atras organizaciones, por a creyación d’a coordinadera d’organizacions independentistas, o Bloque Independentista de Cuchas. En o suyo seno se treballó, se denunció, s’apostó por levar adebant iste prochecto, que con o tiempo s’ha convertiu en a referencia d’o socialismo y o independentismo aragonés.

Con paciencia, virtut revolucionaria, codherencia y dignidat Chobenalla se mantenio en piet, no sin guaires dificultatz, tensions politicas y personals dentro d’o conchunto d’a choventut aragonesa que hue, contemplado tot lo proceso con perspectiva politica, han rematau afortunadament desapareixendo.

En l’actualidat s’ha escomencipiau a construyir, s’ha construyiu un prochecto politico chovenil serio, revolucionario, clarament independentista y socialista. L’actual organización chovenil d’a Cucha Independentista, Purna-A Chovenalla Revolucionaria y Independentista, ye o resultau d’a unidat organica d’as dos organizacions chovenils que surchion dreita y indreitament d’o proceso de decadencia politica de Chunta Aragonesista, Chobenalla y Astral.

En o 2010, as dos organizacions deciden levar a cabo lo proceso de confluyencia y unidat, pos yera absurdo caminar por sendas diferents quan o planteyamiento politico, a estratechia y a ideolochía yeran similars. Asinas pues, as dos organizacions deciden fundar baixo los alazets d’a independencia y o socialismo, una organización unitaria, autonoma y soberana, an se pueda organizar a choventut aragonesa conscient y compromesa con o suyo pueblo y a suya clase. Surche pues, en febrero de 2010 Purna como o referent chovenil d’a cucha independentista aragonesa.

En l’actualidat, 2012, se cumplen 20 anyos d’a primera asambleya nacional de Chobenalla Aragonesista, y 10 anyos d’a fundación d’Unibersidá Coleutibo Aragonesista. Por ello, dende Purna-ACRI queremos celebrar, no a modo de conmemoración superflua, soque de aprendizache, esmo y experiencia politica, istos 20 anyos que han serviu ta fer madurar a o movimiento chovenil aragonés, ta situar-nos a la cabeza d’a choventudt aragonesa organizada.

Tenemos una chicorrona experiencia politica acumulada, pero somos conscients de que nos queda muito por andar, por recorrer, pos rematamos de naixer. Han estau 20 anyos de resistencia, de conflictos, de dignidat, de luita en a carrera, en as capitals y en o meyo rural, de participación en os movimientos socials, de esfensa d’a nuestra identidat como pueblo, de esfensa d’a tierra, d’internacionalismo, d’apuesta por a luenga y a cultura popular. Han estau nomás 20 anyos, que en o ciclo d’a historia, d’a luita de clases, d’a historia centenaria d’o nuestro país, apenas representan cosa, pero que en o nuestro aprendizache vital como suchetos politicos han suposau una gran experiencia colectiva acumulada, en ista especie de revolución permanent, ta plegar a estar a cheneración que, partindo d’os nuestros antigos companyers que apostoron por a creyación d’un prochecto chovenil aragonesista, ha estau a que ha puesto os  alazets d’o primer prochecto chovenil netament independentista y socialista.

20 anyadas d’experiencias y intervención en a luita chovenil que celebraremos durante tot lo 2012 a travies de conferencias, exposicions, rufiertas y actos por tot lo territorio nacional. Con tot y con ixo animamos a la sociedat aragonesa a que participe d’ista parti d’a historia, que participe d’iste lau d’a barricada, d’ista resistencia que nos ferá vencer.

Choven, organiza-te y luita.

INDEPENDENCIA Y SOCIALISMO.

Read Full Post »