Feeds:
Entradas
Comentarios

Posts Tagged ‘Comunicaus’

[Aragonés]

As treballaderas y treballadors griegos han tornau a estar un eixemplo de luita y compromiso debant d’o Plan d’Austeridat aprobau por o Parlamento griego y pactau con a troika (FMI, BCE y UE). As carreras d’Atenas tornoron a estar un puesto de trobada de más de cien mil personas, especialment chovens, que plenoron a Plaza Syntagma y diferents puntos d’a ciudat bloqueyando o Parlamento, mientres os antidisturbios actuaban con gases lacrimochenos que yeran respodius con coctels molotov y piedras por manifestants. A mayoría d’o pueblo griego s’oposa a istas midas economicas, que suposan un atentau contra o bienestar economico y social de Grecia, demandando que istos retalles se faigan servir contra os bancos y entidatz financieras que son as que han chenerau ista situación de crisi economica.

Nomás una purna puet incendiar o prau. Asperemos que a luita que son fendo as nuestras chirmanas y chirmans griegos, china chana se’n vaiga extendendo por toda Europa y chuntos faigamos frent a ista apisonadora clamada capitalismo y as suyas midas que son eixecutadas por os suyos gobiernos titeres seguntes os intreses d’os mercaus.

Dende Aragón toda a solidaridat con o pueblo griego en luita!
Abaixo a dictadura d’os monopolios d’a UE!

En Aragón a 13 de febrero de 2012
Purna – A Chovenalla Revolucionaria y Independentista

___________________________________________________________

[Castellano]

Atenas está en llamas. Que esas llamas se extiendan por toda Europa.

Las trabajadoras y trabajadores griegos han vuelto a ser un ejemplo de lucha y compromiso ante el Plan de Austeridad aprobado por el Parlamento griego y pactado con la troika (FMI, BCE y UE). Las calles de Atenas volvieron a ser lugar de encuentro de más de cien mil personas, especialmente jóvenes, que llenaron la Plaza Syntagma y diferentes puntos de la ciudad bloqueando el Parlamento, mientras los antidisturbios actuaban con gases lacrimógenos que eran respodidos con coctels molotov y piedras por manifestantes. La mayoría del pueblo griego se opone a estas medidas económicas, que suponen un atentado contra el bienestar económico y social de Grecia, demandando que estos recortes se utilicen contra los bancos y entidades financieras que son las que han generado esta situación de crisis económica.

Una sola chispa puede incendiar la pradera. Esperemos que la lucha que están haciendo nuestras hermanas y hermanos griegos, poco a poco se vaya extendiendo por toda Europa y juntos hagamos frente a esta apisonadora llamada capitalismo y sus medidas que son ejecutadas por sus gobiernos títeres según los intereses de los mercados.

Desde Aragón toda la solidaridad con el pueblo griego en lucha!
Abajo la dictadura de los monopolios de la UE!

En Aragón a 13 de febrero de 2012
Purna – A Chovenalla Revolucionaria y Independentista

Read Full Post »

En o 2004 s’ubriba una crebadura aintro de l’aragonesismo de cuchas. Chobenalla sería forachitada d’o suyo partiu mai, Chunta Aragonesista, en una dezisión antidemocratica d’os suyos mainates.

Fruito d’os prozesos y camins que yera prenendo lo partiu en ixe inte surtión bozes disidens que no azeutaban o chiro enta o reformismo institucionalizau, l’abandono d’a carrera, as asambleyas, y a negazión enta proposas esferens sobre a custión nazional, como l’independentismo sozialista, que yera meso en balura per bels sectors aintro d’o mesmo partiu.

D’ixos sectors bi abió, tamién, albandonos, baixas y expulsións. Estau Aragonés serba una consecuenzia d’ello. Chunto a Estau Aragonés se formaría Astral, a suya mozardalla, que tamién crebarian con o partiu per esferenzias puliticas y estratechicas.

Asinas pues, aintro d’a chobentut independentista de cuchas se trobaban dos organizazións, con identico obchetibos, estratechias y ideario pulitico que compartían o mesmo espazio sozial. Per ixo, tarde u luego yera menister un prozeso de confluyenzia y chunta d’ambas organizazións.

Iste surte, ha surtiu, no como punto de chunta d’Astral y Chobenalla, que tamién, si no, como la organizazión de tota la chobentut independentista aragonesa allena a ixas dos organizazions, que naixe d’o asambleyarismo y que quiere, como chobentut reboluzionaria, treballadora y transformadora, abanzar chunto a la resta d’organizazions chirmans componens d’o Bloque Independentista de Cuchas enta un país libre, enta un sozialismo fiador d’a nuestra independenzia como pueblo

O pasau sabado 20 de febrero, pues, mos constituyimos en asambleya como organizazión baixo lo nombre de PURNA – A CHOBENALLA REBOLUZIONARIA INDEPENDENTISTA. En dita asambleya, aprobamos os nuestros estatutos y ponenzia pulitica y marcamos as linias a seguir en o nuestro esfuerzo colectibo ta creyar conzienzia nazional en o seno d’a clase traballadora aragonesa, asinas como espardir l’independentismo reboluzionario como lo camín que creyemos adecuau ta l’abanze enta una soziedat chusta e igualitaria, de reparto de riqueza sozial, an que os pueblos y treballadors sigan os suyos artifizes y no os basallos de estaus y patrones.

Aprobamos en asambleya bels frens de luita en os que abanzar; luita escolana y cultural, obrera y sendical, esfensa d’a tierra, feminismo y antipatriarcau e internazionalismo, refusando asinas os organos de partizipazión que a democrazia burguesa ufre enta la chobentut que no son si no lechitimadors d’a desigauldat.

L’acto asambleyario remató con a partizipazión de companyers d’UCA, o nuestro fren estudeantil, SOA fren sendical, y BIC, referén pulitico y organizatibo.

Enta la independenzia y o sozialismo pues, meyán a reflesión y l’acción pulitica, aprendendo a practicar la resistenzia, ta maitín foter-le trucazos a o sistema capitalista y a l’estau espanyol. Abanzar ta fer posible la irrupzión d’o posible en o reyal. Enta la liberazión sozial y nazional.

Dende aquí femos a la begada un clamamiento a tota la chobentut aragonesa independentista y raboluzionaria a partizipar en iste proyecto que plega de naixer, ta que la chobentut aragonesa siga una referenzia en a luita internazional contra o sistema capitalista y os estaus burgueses.

Ta meterse en contacto con la organizazión lo podez fer en a benién adreza de correyo electonico: purna.aragon@gmail.com

INDEPENDENZIA Y SOZIALISMO.

Read Full Post »