Feeds:
Entradas
Comentarios

Archive for 21 21+00:00 marzo 21+00:00 2012

Hemos publicau a resolución sectorial arredol d’a qüestión lingüistica que se aprebó en a II Asambleya Nacional de Purna o 25 de febrero de 2012. En ista resolución se fa una uellada cheneral d’a situación d’as luengas minorizadas en o nuestro pais y se describe como o poder y a economía capitalista esparden una cultura unica y por ixo nomás refirman as luengas más charradas. Debant d’isto Purna s’enfrenta a istos poders luitando por a cultura propia y a multiculturalidat, esfender as luengas propias d’Aragón, l’aragonés y o catalán, ye luitar y resistir contra la globalización.

En iste texto se fa una apuesta por as culturas ixublidadas, ixas que o gran capital deixó en o costau d’o progreso, difuera d’a dignidat y rapándo-les o futuro. L’apuesta de l’independentismo revolucionario ye luitar por o nuestro, y no por lo que l’aculturización nos ha imposau.

Puedes leyer ista resolución en a sección de Textos o punchando asti: Posicionamiento de Purna debant d’a Qüestión Lingüistica

Read Full Post »