Feeds:
Entradas
Comentarios

Posts Tagged ‘ofensiva capitalista’

 

Arredol d’a zaguera Reforma Laboral imposada por o gubierno d’ultradreta d’o Partiu Popular, Purna, A Chovenalla Revolucionaria y Independentista d’Aragón quier expresar a suya indignación y rabia, y deseya clamar a la movilización social debant d’ista nueva enrestida d’o capital.

Consideramos inaceptables os cambeos introducius en a lechislación laboral que suposan un retalle radical d’os dreitos d’os treballladors. Con ista reforma s’ha enantau atro trango mas t’o despido libre, tan deseyau por a patronal, antimás s’han reduciu as indemnizacions por despido improcedent y ubierto as causas t’o despido chustificau y que facilitarán mas o despiu d’os treballadors. D’a mesma traza s’ha flexibilizau a posibilidat de fer EREs que agora ya no amenistran premiso administratiu y s’ha reforzau o papel d’as ETT (Interpresas de Treballo Temporal) lo que suposa a esclatera esclavización d’as treballadoras. A la fin, no ye mas que una reforma feita por y ta la patronal, que sozmete a la clase obrera y que repriesenta tornar a lechislacions quasi de principios d’o sieglo XX.

Ye preciso acusar que gran parti d’a culpa d’ista situación la tienen os sindicatos amariellos que no son soque l’escudo d’esfensa d’o sistema. Con nombres y siglas, os traidors son CCOO y UGT que anque agora faigan por manifestar-se en reyaldat a suyas movilizacions estan nomás tiatro. A permanencia d’o sistema depende, en gran parti, d’a suya sumisión y ye por ixo que instamos a las suyas afiliadas a que dixen ixas organizacions ya que son parti d’o problema. Solo con a desaparición d’istos sindicatos será posible que a clase treballadera prencipie a organizar-se por si mesma ta dar una verdadera rispuesta a os ataques d’os capitalistas.

Creyemos que ye urchent a unidat d’as revolucionarias en movilizacions verdaderament combativas, ye necesaria una vaga cheneral de verdat, sin servicios minimos y que ature totz os sectors y os beneficios d’o capital. A clase treballadera no puede continar sin fer cosa perdendo dreitos historicos conquerius en as luitas d’o zaguer sieglo.

A Aragón, y a os treballadors aragoneses nos cal recuperar l’esprito revolucionario, unir-nos en organizacions d’ambito nacional y creyar retes de solidaridat obrera ta risponder en bloque contra ista reforma forana.

Istas son beluns d’as primeras impresions que Purna tien arredol d’ista nueva reforma laboral, en bells diyas se publicarán atras reflexions dende un punto de vista mas economico.

En Aragón, a 12 de Febrero de 2012

Purna, A Chovenalla Revolucionaria y Independentista

 

Read Full Post »

Seguir

Recibe cada nueva publicación en tu buzón de correo electrónico.